Heemesch Planzen a Som kaafen

Wildblumenwiese AdobeStock_215670306.jpg

Heemesch Wëllstauden

a Som Mëschunge kafen

Analysen hu gewisen, dass e groussen Deel vun de konventionelle Beet- a Balconsplanzen eng Pestizidbelaaschtung opweist an dofir net gutt fir Pollinisateure gëeegent ass. Duerch dës Erkenntnis féiert d'Campagne järlech Analysen duerch, fir d'Pestizidbelaaschtung ze bestëmmen.

Blummen a Planzen erfëllen net nëmmen ästheetesch Funktiounen, mee bidden och eng wichteg Narungsquell fir Insekten a Klengdéieren. Mat Pestizide behandelt Planze stellen deemno eng perfid Narungsquell fir dës Liewewiesen duer. Fir den Naturraum konsequent viru cheemesche geféierleche Stoffer ze schützen, mussen och Beet- a Balconsplanzen an Zukunft pestizidfräi produzéiert ginn.

D'LUX-Mëschunge vu Wëllplanzesom Lëtzebuerg enthalen nëmmen Aarten, déi natierlech zu Lëtzebuerg virkommen. De biologeschen Ubau vun heemeschem Wëllplanzesom zu Lëtzebuerg gëtt vum Ministère fir Ëmwelt, Klima a Biodiversitéit finanzéiert, vu SICONA koordinéiert a vum MNHN begleet. Et stinn e puer Mëschungen zur Wiel

Wëllplanzesom

Wou kann ee LUX-Mëschunge kafen?

Fir Fläche vu 25 m2 am Siidlungsberäich kann een kléng Päck vun de véier Mëschungen LUX-Blummewiss, LUX-bléiende Schotterwues, LUX-Bonte Saum & Päiperleksplanzena LUX-Fouemëschung a verschidde Point-de-venten zu Lëtzebuerg kafen (héi geet et zur Kaart vun de Verkafsstellen).

Gäertner "Ouni Pestiziden"

Dës Produzente vu Blummen a Planze produzéieren a verkafen "Ouni Pestiziden".

Méi ënnen op dëser Säit fannt Dir d'Adresse vun de Gäertner.

Frot geziilt no Planzen, déi ouni Pestizide geziicht goufen, well et kënne sech och konventionell Blummen am Buttek befannen.

Dir wëllt an Ärem Gaart ee Staudebeet mat heemesche Wëllstauden aus zertifizéierter regionaler Hierkonft uleeën? Da kënnt Dir déi no ékologësche Richtlinne produzéiert Wëllstauden vum Wëllplanzesom Lëtzebuerg huelen.

Wildstauden

Héi fannt Dir Wëllstauden fir ze kafen: https://wellplanzen.lu/verkaufsstellen-lux-stauden/

Héi kommt Dir zu den Aarten: https://wellplanzen.lu/artenauswahl/

Virwat Wëllplanzen?

Wëllplanze gesinn net nëmme gutt aus, mee si bidde Bestëbser och eng liewenswichteg Narungsquell. Och stellen si villen Insekten, Vullen an aneren Déieren ee Liewensraum zu Verfügung a fërderen domadder och d'Aartevillfalt. Nieft hirem ökologesche Wäert si Wëllstauden och besonnesch gutt fir Beeter geegend, wëll si robust an ideal un déi lokal Bedéngungen ugepasst sinn. Fir all Standuert – ob sonneg oder Schied, dréchen oder fiicht – gëtt et passend Stauden, déi eis Balcone, Gäert a Gréngfläche beräicheren. Zudeem bléien si vill Jore laang, wëll si méijäreg a wanterhaart sinn.

Aarten an de Some Päck