Mäin naturnoe Gaart
Den naturnoe Gaart orientéiert sech un de Virbiller vun der Natur; Wëllblumme gi gefërdert, Bäikraut gëtt toleréiert. D'Diversitéit u Planzen, Déieren an Insekten ass grouss, well de Gaart verschidde Liewensraim, Fudderquellen a Schauteng bitt.
D'Ausgesi vum Gaart verännert sech ganz natierlech mat de Joreszäiten.
Wann d'Gestaltung bis fäerdeg ass, reduzéiert sech d’Fleeg op e puer Handgrëffer an et brauch een net vill Geschier.
Och wann den naturnoe Gaart villäicht net esou faarweg ass, ass en net manner villfälteg. Déi vill Planze verbesseren d'Loftqualitéit a reguléieren de Klima op der Plaz. Den naturnoe Gaart ass domat e Plus fir de Mënsch, d'Déieren an d'Ëmwelt.
Infographik-Lebensqualität im naturnahen Garten (pdf)
Einheimesch Stauden, Hecken a Beem
​
Dës Planze ginn eemol geplanzt a bléien all Joer op en Neits. Se bidde Fudderquellen a Liewensraim fir Déieren an Insekten. Et geet duer d'Planzen am spéiden Hierscht oder Fréijoer zeréckzeschneiden, fir se ze fleegen.
Kraiderwues a
Blummewisen
Se bidden de Beien, Päiperleken an aneren Insekten Narung an en Doheem.
Se sinn einfach ze fleegen, well se nëmme seele geméit ginn. Se mussen net bewässert a gedüngt ginn; et muss kee Moos ewechgemaach ginn.
Onversigelt Weeër
a Plazen
​
Permeabel Flächen (Kräsi, Schotter, (Gitter-)Steng, Holzflächen, asw.) loossen d'Reewaasser op der Plaz asickeren. D'Tëscheraim vun de Steng kënnen och begréngt ginn, well wann d'Fläche befuer oder begaange ginn (Autoen oder Foussgänger), bleift d'Gréngs ganz vun eleng kuerz.
Begréngt Maueren a Siichtschutz
​
Kloterplanzen eegene sech perfekt fir d'Vertikalbegréngung (Siichtschutz, Schietplazen an Ofgrenzung vu Beräicher). Dréchemauere bidden e wichtege Liewensraum fir vill Planzen an Déieren.
Naschtplazen a
Schauteng
​
Doutholzkéip, „wëll Ecken“ (wou Brennnesselen oder Bäifouss wucheren däerfen) oder en Insektenhotel bidden eng ideal Schauteng fir Déieren an Insekten. Dës reduzéieren op natierlech Aart a Weis d'Schädlingen am Gaart.
Moersubstrat
Fir Kraiderbeeter a Blummewisen ass e moere Buedem meeschtens déi bescht an am einfachsten ze fleegen Optioun.
Hei kënnen déi ageplanzt Kraider oder ugeséit Planzemëschunge wuessen ouni ze vill e grousse Konkurrenzdrock duerch närstofflibend Spontanvegetatioun.
Vegetatioun notzen amplaz se ze bekämpfen
​
Eng zoue Vegetatiounsdecken ënnerdréckt de Wuesstum vun onerwënscht Planzen op natierlech Aart a Weis. Fräiraim am Planzebeet kënne mat enger net ze décker Schicht Holzspéin oder Kakaoschuele bedeckt ginn, bis dass d'Planze grouss genuch sinn, fir de Buedem ze bedecken.
.jpg)
Op Chimie verzichten
Den naturnoe Gaart brauch keng Pestiziden a keng mineralesch Konschtdüngeren. Duerch d'Diversitéit vun de Planzen an Déieren entsteet en Ëmfeld, dat sech selwer am Gläichgewiicht hält. Wëllkraut, wat dotëscht wiisst, fält hei kaum op a muss net penibel ewechgemaach ginn.
Wéi gëtt eng Blummewiss ugeluecht:
Geseems
Buedembeschafenheet a Plaz
Virum Ausséien
D'Ausséien
Starthëllef
Gedold
Bewässerung
Schleeken
Méien
Fleeg am Joer vum Ausséien
Wanterfudder fir Vigel
Hei kënnt Dir déi uewe genannten Informatiounen als PDF-Datei eroflueden: