Heemesch Planzen a Som kaafen

Wildblumenwiese AdobeStock_215670306.jpg

Heemesch Planzen

a Som kafen

Som fir eng einheimesch Wëllblummewiss

Analysen hu gewisen, dass e groussen Deel vun de konventionelle Beet- a Balconsplanzen eng Pestizidbelaaschtung opweist an dofir net gutt fir Pollinisateure gëeegent ass. Duerch dës Erkenntnis féiert d'Campagne järlech Analysen duerch, fir d'Pestizidbelaaschtung ze bestëmmen.

Blummen a Planzen erfëllen net nëmmen ästheetesch Funktiounen, mee bidden och eng wichteg Narungsquell fir Insekten a Klengdéieren. Mat Pestizide behandelt Planze stellen deemno eng perfid Narungsquell fir dës Liewewiesen duer. Fir den Naturraum konsequent viru cheemesche geféierleche Stoffer ze schützen, mussen och Beet- a Balconsplanzen an Zukunft pestizidfräi produzéiert ginn.

D'LUX-Mëschunge vu Wëllplanzesom Lëtzebuerg enthalen nëmmen Aarten, déi natierlech zu Lëtzebuerg virkommen. De biologeschen Ubau vun heemeschem Wëllplanzesom zu Lëtzebuerg gëtt vum Ministère fir Ëmwelt, Klima a Biodiversitéit finanzéiert, vu SICONA koordinéiert a vum MNHN begleet. Et stinn e puer Mëschungen zur Wiel

Wëllplanzesom

Wou kann ee LUX-Mëschunge kafen?

Fir Fläche vu 25 – 50 m2 am Siidlungsberäich kann een 100g-Päck vun den dräi Mëschungen LUX-Blummewiss, LUX-Schotterwues a LUX-Bonte Saum & Päiperleksplanzen a verschidde Point-de-venten zu Lëtzebuerg kafen

(héi geet et zur Kaart vun de Verkafsstellen).

All d'LUX-Mëschunge kënnen och a grousse Quantitéite bei der Firma Barenbrug zu Angelduerf oder online am Web-Shop vun der Firma Rieger-Hofmann kaf ginn.

Gäertner "Ouni Pestiziden"

Dës Produzente vu Blummen a Planze produzéieren a verkafen "Ouni Pestiziden".

Méi ënnen op dëser Säit fannt Dir d'Adresse vun de Gäertner.

Frot geziilt no Planzen, déi ouni Pestizide geziicht goufen, well et kënne sech och konventionell Blummen am Buttek befannen.

Aarten an de Some Päck